الى كل من ينكر فعله منتضر الزيدي وكل من يعتبر بوش ضيف له هذة القصيدة

**عاصم الدليمي** · 2008-12-28, 02:39 PM

(( گالو ضيف عدكم))

گالو ضيف عدكـــــــم عيب ينــــــــهان

وأبن العرب يكــــــرم ضيــــفه ويهابه

وگالو يبقى واجب احتـــرام الضــــــيف

ويضل عامر مضيف الطيب بأصحـابه

صح ما نختلف والگال مو غلــــطـــان

ويضل اني مضيفي مشرعه ابوابـــــه

وآنه بعمري وحياتي الضيف مارديت

وآنه گهوة دلالي تبات گلابـــــــــــــــه

وأنا اعرف الضيف واعرف المطلوب

وأقرا الضيف أني وأعرف شجابـــــه

وضيف اللي يجيني وينحـــــسب خطار

يستأذن يطـــــــب البيــــــــت من بابه

وبوش احنا من أجانه سكوت موخطار

أجانه بكــــل وكاحـــــــه مكشر انيابه

شلون تريد أكرمه وينحسب خطــار

وياضيف اليجي مسيير بدبــــــــابه

كتل خوتي وعمامي بكل برودة دم

شلون تريد مني يكون ترحابــــــه

وخنگ بيــه فرحتي وضحكة الاطفال

وذبــــــح ستر العراقيات بحـــــــرابه

تريد أنسى المهانة وسجن ابو غريب

وجيرانـــــــي اللي هانه ونزعه ثيابه

تريد أنسى عــــبير ألماتـــــت بلاذنب

وليهسه بگبرهه تصيح يايابــــــــــه

تريد أنسى العراق أليون صار سنين

وتبچي دموع مايه ويصرخ ترابــــه

تريد انسى المضــــى وثار العراقيين

وعلي الهادي بسببهم نسفــو گبابه

تريد انسى العراق شلون من طبوه؟؟؟

وخلونــه حــــــواسم بأيـــــد سلابه

شلون تريد اكرمه وينحسب ضــيف

شلون تـــــــــريد مني يكون ترحابه؟؟؟

أليطب بيتك غصب شتگله اهلا بيك؟؟؟

ويضل سيفـــــــك ابد للـــدوم بگرابه

شلون تحسبه ضيــفي وهو كتــــــالي

ألف نعله على ابوه ونعله عالجابــــه

لتعلم يتيم على البچــــــــــي والنوح

ولاتنكر دمعته وتـــــــــعرف اســبابه

ولتعلم الكريم باحــــــــترام الضــيف

أحنا اهل الكرم والجود وأصحــــابه