حتى تعغفين أشقد أحبكي

[مريومه العراقيه]

حتى تعغفين أشقد أحبكي


كنت أزغيغ عاقل وحباب وغشيم ومسكين
وكانو اصدقائي يسموني مالك الحزين
أستحي معغف أحكي معالنسوان
غيغ بس بالأحلام
الله يرحم هذيك الأيام
كنتو أغوح من بيتنابالميدان الى بيت جدي أبو عمي البقال
بالأسبوع مرة
ومن أغشعتوكي بالسطوح عتنشغين الحواس
قام يغجف قلبي وكبت شعغاية جسمي
حبيتو جدي وعمي اكثغ وحتى مغت عمي النحسي
وقمت أغوح عندم بالسبوع ألف مرة
كنت معغف اشنو الحب
بس انتي عيونكي جذبتني
وأخلاقكي وتصرفاتكي عجبتني
وأمكي على امحبة امي حبتني
حسيتو الدني ضحكتلي
وأبوابا فتحتلي
ذبحتو نفسي بالشغل وصمدتولي كم فلس وغحتوخطبتوكي
ذاب قلبي وقلب أمي وأبوي عما قبل أبوكي
ضلت أمكي تشتهى وتأمر وتتطلب... مغمغوني ومغمغوكي
والله لو كن غادو لبن العصفوغ وكنوز سليمان
دنطيهم ولو بالذهب ثقلوكي


وأشقد جماعة حسدونا وغادوا يفرقونا ماطاقو
لأن انا بنص قلبي وعقلي حطيتوكي
بعجتو عين الكل وصغتو سبع وازوجتوكي
الله سهل علينا وخلصنا من القال والقيل
وارتحتو وريحتوكي
وعلى بيت اهلكي أشقد وديتوكي
وبغابات الموصل أشقد فتلتوكي
المحبي اببيناتنا صاغلنا تسع اسنين
ما قصرتو معاكي بشي وانتي هم ماتقصرين
ما خليتو اب نفسكي شي واشتغيتولكي
أش ما تشتهينو اتغيدين
وهسع على سالفة ازغيغي وبيهتي مني تتزعلين
واتغيدين على بيت أهلكي زعلاني اتغوحين
اشقد عقلكي ازغيغ وماتعغفين
دقعدي اب بيتكي يمزوجكي وأولادكي لا اتغوحين
ما ازوجك على غاسكي لاتنقهغين
كنت عدغيد اختبركي دغشع أشتعملين
حتى تعغفين أشقد أحبكي



حتى تعغفين...

قصيدة بالموصلي الفصيح...
تعتبر من الشعر الفصيح اتمنى عدم الحذف

للترجمة مريومه موجودي ^_*

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[L•َِOَِ•Y•َِUَِ•S]

ذووووووووووووووووووووووق
كلمات روعـــــــــــه
وتستاهل التثبيت
تحياتي الج ورده
هع اخاف مريومه ماكو اني اترجملكم

[Golden Girl]

عاشت الايادي على الكلمات الرائعة
متألقة ومبدعة دائما ..
لا تحرمينا من جديدج
تحياتي..

[ملاك الحب]

حلوو معانها وكلماتها كولش حلووة

يسلموو حبحب دومج مبدعه

[مريومه العراقيه]

شكرااا على المرور الحلو والرد الاحلى
منوررررين ورود وانتو اصل الابداع
شكرا ورده لويوس على التثبيت
تحياتي

[العميد نهاد العراقي]

تسلمين على القصيدة
الرائعه و الجميله جداا
و الحمدلله اني افتهمت
لاتحرمينا من جديدكِ
تحياتي
العميد نهاد العراقي

[ζεσ ∞ Mεтaζ]

عاااااااااااا والله كلمات رووعة تخبــل
عاشت الايادي مريومة
واخاف مريومة ولويوس مــاكو اني اترجملكم هع

[iraq2050]

يابه حلو يخبل بس كتبوا بالعراقي احنا شمفهمنا لبناني ما اعرف جزائري

[مريومه العراقيه]

شكرااا على الردود والمرور الحلو
نورتوووووو بس هذي مصلاوي لا جزائري ولا لبناني
منوررررررررين محبتي