سجل.دخولك.ببيت.شعر.ابوذيةاو.دارمي

[sυρєянυмαη]

اكعد بتالي الليل وادعي بصلاتي .. ياربي بعد فلان شلي بحياتي

[nosnos]

مو روحي بية اتعيش مرات اشك بيك...ومرات احاجي الروح حسبالي احاجيك

[حمكي]

بين ضلوعي شلتك ماهملتك
وبقيت بجفن عيني ماهملتك
اني حسبالي الخيانه ماهي ملتك
لجن هسه اتضح كلجن سويه

[nosnos]

فوك الناعم احجي وياك وانعم
ولك ونت جميع اعضاي وانعم
اللهي شكد جمال انطاك وانعم
تعز جاليش هالنعمة علية

[nosnos]

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

[nosnos]

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

[sυρєянυмαη]

سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه

[CoOoL G!rL]

حبيبي انت حلو وحيل فاتن
والك ميت سهم بالكلب فاتن
كون اني فوزي وانت فاتن
وعسانة بالركة نكعد سوية

[nosnos]

من لحمي اكصلك حيييييل لو صابك الجوع ولو ما لكيت اشياش شيش بلضلوع

[nosnos]

يالعلمتني اعليك يصعب غيابك ... كل العذاب ايهون بس لا عذابك

[nosnos]

عاشرت كل الناس بس مو مثلكم .... كل ساعة أحس بالموت لو ماشفتكم

[nosnos]

كالوا بعد سنتين ونوزع أبيوت ... تاليها حتى المات ماعنده تابوت

[nosnos]

الكم احن و اشتاق و اتمنى شوفتكم .... جربت كل الناس مو مثل طيبتكم

[nosnos]

غمزت واجاهه النوم عيني الوكيحه ** لونست ظيم الشوك لومستريحه

[حمكي]

تسلمن بنوتات صح السانجن

شينفع المكتوب لو ردت اوديه
كون التريده الروح اكعد واحاجي

[CoOoL G!rL]

انة روحي رجيجة وحيل خضرة
علة ام شعر الذهب وعيون خضرة
بعتلهه الكَلب باعتلي خضرة
ريحان كرفس كل اربعة بمية

[حمكي]

صح السانج ورده

اريد اخذ قسط راحه من الراح
بجيت وربعي سئلوني منو الراح
شجاني وماخذت عبره من الراح
ولا من الجاي عبره تصير اليه

[nosnos]

ابدمايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدةاليية

[nosnos]

كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه

[nosnos]

بيدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه

[nosnos]

غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية

[nosnos]

دخيل الصوّر اعيونك وسبحان
بكحلهن غرقت اعيوني.وسبحن
صفيت بغيبتك ادعيوسبحان
اتوسل للجليل اتعود اليه

[nosnos]

أحبابي شلون حالتــكم بعدنه
شبيدينه والزمن عنــكم بعدنه
اذا انتم نسيتوا احـــنا بعدنه
بذكركم كل صباح وكل مسيه

[nosnos]

اضحك فدوة لجفونك وعيناك
جنا بلا وعي وهسه وعيناك
تعال ابكلبي انسبنك وعينك
وافصلك لون تتغير عليه

[nosnos]

انـــــي اول من يحبك واخر انـــــــــي
وسبب عطل الجية واخراانــــــــــــــي
الكلب من شاف رسمك وخرانـــــــــي
كام وراد يحضنك بثنين اديه