سجل.دخولك.ببيت.شعر.ابوذيةاو.دارمي

[nosnos]

نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه

[nosnos]

شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه

[nosnos]

*************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه

[حمكي]

ياريت هالعاااام يتغير.. وضعنااااا ))
فقدنا احباب .. وضاعو .. وضعناااا ))
اشكثر موتاااا بالقبر .. وضعناااا ))
يمتى اترد العراق الأبيه

[حمكي]

الك هل دمع عيني ولك صب
ولك ساس بوسط روحي ولك صب
سهم حبك دخل كلبي ولك صاب
دليلي وصار طشارة بدية

[حمكي]

عليها ادموعي هلن من شفتها
ورد ياناس يطلع من شفتها
دخت وافترت ارضي من شفتها
شسوي النوب اذا تلزم ادية

[nosnos]

همي من كثر يذبل وراها

ونار الكَلب ما يخمد وراها

كل شده يهل وادم وراها

فرج ، والفرج من رب البريه

[nosnos]

وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه

[nosnos]

كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه

[nosnos]

ارد اسال العشاك ليش اني مشتاك .... نايم بحضن اهواي واشكي من الفراك

[حمكي]

يروح الروح للمحبوب شهدي....
اني النحله النحيله وخلص شهدي....
.حرت لحبيبي غير الورد شهدي...
الورد بس للورد يصلح هديه

[nosnos]

شنهو الجمال البيك كيكة وعليها شموع .. لك ولله اخاف عليك من تضحك تموع

[nosnos]

مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه

[nosnos]

سكر كأس الخمر من ضاك نفسك
واكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها اليه

[حمكي]

نحت الحزن على وجهي شكلة
وشبيك صاحبي يسألني شكلة
اذا الفرح يوم بقلبي مر شك له
لان يومية القهر والضيم مار بية

[حمكي]

بعد ما احترمنك وجيلك
من عكب جنت اعزك واجلك
من حبك انت كرهتك وجيلك
وابشرك من كلهم غسلت ادية

[حمكي]

ضحية اني بالعشق وانت جاني
ومحبوبي لايوم سئل ولاجاني
حرت شوصفك انس ولا جان
وجمال عيونك مو طبيعية

[حمكي]

اشكد هموم بكلبي مثلة ولاكد
لبست الاسود وي حالي ولاكت
روحي بكل الدروب سارت ولاكت
انا غير الحزن ما مكتوب الية

[nosnos]

عيوني من الهجر ملت وسالت
وعليه احباب ما نشدت وسالت
الف دمعه الجرت مني وسالت
ولا دمعه الجرت منكم عليه

[nosnos]

يون كلبي ونين النوكك ونتاه
تاه ومادريت شلون ونتاه
زماني الصار ضدي اليوم ونتاه
صرت وياه يا وسفه عليه

[nosnos]

بيدي للجم بجرحي وكلبه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه

[sυρєянυмαη]

برحي احس موجود
يايوم اليه تعود
وانسه الليالي السود
وترجع الـــــــــــــــيه

[عراقية كوول]

الك اشتاك كل لحظة
واحسك بالقلب نبضة
اذكرك حتى لو تنسى
واحبك ترضى ماترضى

[nosnos]

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

[nosnos]

وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه