سجل.دخولك.ببيت.شعر.ابوذيةاو.دارمي

[nosnos]

سجل.دخولك.ببيت.شعر.ابوذيةاو.دارمي (http://www.we4iq.com/vb/showthread.php?t=102508)


شلون الصحة
عجبني ان ادعوكم الى هذا الشي البسيط انه كلمن يفوت للمنتدى يسجل بيت شعر ابوذية او دارمي حتى يفيد ويستفيد وحتى يتعرف كل واحد منا على الاخر ويرتاح بعذب كلماته واني راح اكون اول واحد واسجل بيت ابوذية
راح افرمت دليلي والغي رامه
واشيل شوك العشك منه وغرامه
عليك انت المخطط والغرامة
لان الله ذب حسنك فجأة عليا

[nosnos]

من هجرك بقه الدلال بس تك
ولا تلعب على الحبلين بس تك
امس بالحلم مدري منين بستك
لان كلك حلو تاهت عليه

[nosnos]

أبغفله أمن العمر والحب غزالي
وأنه الصياد والتلني غزالي
كل شعر الغزل يحسد غزالي
جي لنك وحي الكل شاعريه

[nosnos]

عكب عيني ابد ما عين تحله
عزيز وبالكلب كل يوم تحله
اذا وياك حتى الحزن يحله
خلي شمى يصير اصير بيه

[L•َِOَِ•Y•َِUَِ•S]

الله عليج نوسنوس
موضوع رائع
والي رجعه

[nosnos]

تنورني وردة
ومنتضرة الرجعة
واريدها قوية ها هههههههههه

[nosnos]

حبيب الروح يلساكن حديثة
اصيل وما حوت مثلك حديثة
اذا جروح الكلب عدكم حديثة
اموت ويصعب فراكك علية

[nosnos]

لطش روحي بكبر ولمه
وانا المحتار بجروحي والمه
وابوهه لاذنب عنده ولا امهه
الذنب بيه هويت بلاوعيه

[nosnos]

يا كعبة شرف يـا طـيب منزل
كبر شانك بالقلب وعظم منزل
وحبي إلك مـا فد يـوم منزل
لأنك وفي ومخلص وغـالي عليه

[nosnos]

انا بعدك يا كحيل العين ساليت
وعلى هجرك كل البشر ساليت
دماي بدل الدمع هاي العين ساليت
تبجي وتنتظر ساعات المنية

[nosnos]

احبك انت عاقل وانت بهلي واعيشناانة بهلك وانت بهلي شوف شراح اكلك وانتبهلي احبك يله وخر هاي هية

[nosnos]

صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه

[nosnos]

عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه

[nosnos]

بايات...
شلون تخون وانت احلفت بايات ...
مزلاكة طلعت مو درج بايات...
تريد تروح مو بس باي بايات...
واليرجع الف نعلة اعلة ابيه..

[سفيرة الشعر]

:Smiles Lot 1 (11):بلوه من الحسن تكتل بله انت وموغيرك جميل اعني بل انت اذا تكدر تعيش انت بله انت:Smiles Lot 1 (11):انا بلياك موت يحل عليه

[sυρєянυмαη]

نشدت الناس عنك.. وانت هينه
وعلى فراكك تلفنه.. وانتهينه
الكلب انت تعذبه.. وانت هينه
ويضل اسمك حلو وغالي عليه

[nosnos]

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًمَرك حزن احسّه بيه

[nosnos]

طحت ولاحيل بية انهض ولاگوم
ولاخوان وگفولي ولا گوم
ولاني صلح وي دنياي ولا گوم
اراضيهة وترد تزعل علية

[#عموري#]

لوگلبك انه بيوم خليته مجروح***بالرگبه اشداحبال واعدملك الروح
اهداء خاص لnosnos

[#عموري#]

تسلم ياابو الطيبات يلكلك ابداع ***الصحبه هيج تصير لو اذبها بالكاع
اهداء لمس الرسام

[#عموري#]

غير اكدر بلياك حته انه اعوفك ××× بعيوني اضل ماشوف من ما اشوفك

[#عموري#]

شنهي انتة يبن الناس شنهي صفاتك
حتى الكلام يضيع بنقطة حلاتك

[nosnos]

الله عاشت ايدك عموري الوردة
اشكرك ذوق

[nosnos]

انا بجفي وتد بالكاع دكيت
ولادكت نذل بالناس دكيت
بعدني ماطحت وانة كبول دكيت
شدوصلة بعد واركص علية

[عراقية كوول]

موضوع روعه
تسلمي نسنوس ورده
لي
باـــكـ