¸,.-~*مــآيــك المنـتـدى *•~-صوتو ويانه...

[مريومه العراقيه]

يله شباب بنات انرشح من جديد على المايك
نبدي
1
2
3
واني ارشح لويوس

[L•َِOَِ•Y•َِUَِ•S]

ميخالف
بس عليج الله خششيني
لان حته ذاك اليوم من شرحتيلي مفتهمت
هههههههههههههههههههههه

لالا اشاقه هع

[Golden Girl]

اني هم وية مريومة ارشح ليوس

[L•َِOَِ•Y•َِUَِ•S]

:35
...........

[مريومه العراقيه]

وهسه الي حيكون ماسك المايك هو لويوس
تمنع الردود واي رد اشوفه يحذف
يله ورده فضفض
1
2
3
بالتوفيق

[L•َِOَِ•Y•َِUَِ•S]

السلام عليكم ورحمه الله وبركاته
شلونكم شباب .. شلونكم صبايا
انشالله بخير
هسه راح نبدي الضيم والضلايم
لا اشوفوني اضحك واحشش واصنف ومن ذني السوالف
بس اكو بداخلي الم كلش جبير وماخذ مساحه كلش واسعه
بس خافيه وما بينه لاحد
ادوس عله جرحي واكمل واكول بلكي الله يرحم بحالي
اليوم راح احجيلكم بــ ولادتي ......... طبعا الضيم بده من اول من فتحت عيني
طبعا اني عراقي بس انولدت مو بالعراق
انولدت بالسعوديه .. وامي سعوديه
امي امي امي ثم امي
الله يلعن كلمن حرمني من امي وحنانها
ولا فد يوم حسيت بهذه الشي
ولا فد يوم عرفت شنو هوه هذه الاحساس
اسمع ويكولون الام هيه الحضن الدافئ واصل الحنان الام كل شي بالدنيا بالنسبه للانسان
لكن للاسف لا اعرف معنى مشاعر هذه الكلمات
لاني لم احس بها يوماً
طبعا انا لا اريد ان ادخلكم في هذه التفاصيل المؤلمه
لاكنني اوصيكم ان تكونو واضحين مع والدتكم
وان تحسسوها في نفس هذا الحنان الذي اعطكتم اياه
منذ ان كنتم صغاراً
فأنا في هذه اللحظه احسدكم على هذه الامومه التي لم احس بها ابداً
اضاعو مني امي قبل ان اشم عبيراها وقبل ان اعرف معنى الحياة
انا الان امشي بدون قلب وبدون مشاعر اتجاه حنان الام
فانا معكم الان وفي هذا المنتدى الرائع احس انكم جميعكم اخواني واخواتي
وامكم هي امي فأرجو انت تراعوها اذا لم استطع مراعاتها
وهنا ..
كان ابي يشغل اغلب اجزاء قلبي
فكان لي
اباً واماً وارجو من الله ان لا يحرمني منه كما حرمت من امي
واهدي هذه الخاطره لابي
( الي هوه هسه بالسويد هع هع ) بلكت يحن ويقبل اجي يمه
يوميه اكوله شوكت اجي يكولي كمل الجامعه والله كريم
حنب بعمي 32:



** معلمي وحبيبي أبــــــــــــــــــــي **


عندما تزاحمت الأ فكار ووجل منها فكري وغار
عندما زارني الحزن ودعاني إلى دنياه
عندما ضاق صدري بالهموم وتهت في غياهيب أحزاني
عندما احتجت إلى وطنٍ يحميني
وصدرٍ يأويني
ناديت بها .........
أبـــــــــــــــي


.. ناديت بكلمة أبــــــــي
فلم أجد كلمةً تمحو مافيني سواها
لم أجد دنيا تحتويني سواها


أبـــــــــي .....
لم أجد صدراً يضمني إليه سواك
فأنت نبع الحنان السامي
ونبع الحب الصافي


فأيٌ منكم تختلف كلماته عن كلماتي
أيٌ منكم يجرؤ على قول سوى كلامي
أيٌ منكم سيقول أن الأب ليس ذلك الحضن الدافيأبي .. أنت من علمني معنى الحياه
أنت من أمسكت بيدي على دروبها
أجدك معي في ضيقي .. أجدك حولي في فرحي
أجدك توافقني في رايي .. حتى لو كنت على خطأي
فأنت معلمي وحبيبي ..
فتنصحني إذا أخطأت .. وتأخذ بيدي إذا تعثرت
فتسقيني إذا ضمئت .. وتمسح على رأسي إذا احسنت


أبــــــــــــــــــــــي
أردت أن يصلك إحساسي .. من خلال ما زفرته أنفاسي
أردت أن تصل كلمتي إلى قلبك .. فأنا لا أتأمل حياةً بعدك
أردت أن تصل إليك كلمه .. خرجت من أعماقي مقحمه
كلمتي إليك أبي هي .....



أحبــــــــــــــــــــــــــــــــــــك
فلا أمل لي بحياةٍ بعــــــــــــــــــــدك

الباجر اكمل الضيم
(اشوفكم الخياط البراسي من ورامن هع هع )
الخياط البراسي = البوري هاع هوع

[L•َِOَِ•Y•َِUَِ•S]

السلام عليكم ورحمه الله وبركاته
شلونكم اليوم انشالله بخير
اوكفو خلي اشغل فد اغنيه لطم حته انفعل واحجيلكم هع
(¯`·._.·( معاناة قلبي وحبي )·._.·°¯)
حبيت لو بلوه ابتليت .. ويا ريتني ما شبيت
ويا ريتني ما عرفت الحب ولا اهله
عشيني ايام .. احلى ايام عمري .. ايام متعرف معنى الدمع
ولا تعرف معنى الجرح .. واي سالفه اتصير بيهه
انساها وما افكر بيهه .. لان عقلي وكلبي مو ملكي جان
جان عند ملكه او ملكه الملائكه
سيده العالم .. عروس البحر .. طيبه العسل .. رائحه الورد
ملكه الانوثه ... وامراه كانت المثال العالي لاي امراء في الكون
امراه لا تاتي لا مره في العمر ........ ما اطول عليكم
حبيتهه وحبتني .... حبيتهه حد الجنون .. وحبتني حد الموت
جنت مستعد اتخله عن روحي ومااتخله عنهه
حب يسري في دمي الى يوم يصبح التراب سريري
وعلاقه اني وياها تقريبا 3 سنوات
بس صدك لو كالو قسمه ونصيب
البنيه اتفقت ويها عله موعد
واثنينه طايرين من الفرح
والله لحد هسه اذكر هذاك اليوم .. كتلهه الاحد جايكم خطابه
واجه الاحد ويا ريتني ما عشت هذاك اليوم
اخذت اهلي ورحت .. السلام عليكم وعليكم السلام ......الخ
كالو انته شمخلص كتلهم بعدني دا ادرس سنه اولى بالجامعه المستنصريه ... هذه الحجي العام
ضلو يسألون منين ما منين المهم .. سألني ابوهه سؤال
كلي انته من يا عشيره .. كتله الظاهري ..كال يعني شيعه
كتله اني مسلم وما عندي فرق ..
ردني بجواب
جواب مثل السجينه وكطع بيهه شراييني
حطم كل امالي وكل احلامي
واني الي كتنلي بالزايد سمعت صوتهه تبجي من جاوبي هالجواب
كال :((((( احنه ما عدنه بنات للشيعه وكوم اطلع بره )))))
صدك تقبل حبيبي لغيري هسه اتصير
وصدك مليت مني وبعد متحبني
وصدك هانت سنينه الحلوات
وما هانت عليك شلون تتركني
من يمته المذاهب نحسبلهه حساب
ومن يمته الطوائف جانت تهمني
انا من عشقتك ما سألت الناس
ولا جنت ادري اصلك شيعي لو سني
معقوله الورد ينسه جميل الماي
وانته بهالسهوله تنازلت عني
(ما اريد اكمل )
اووووووف ربي
ما اكدر اكمللم بس اكيد تذكرون الشعر الي كتبته .. والله كل حرف بدمعه
تحولت الايام الحلوه الى ايام سوده
تمنيت ولهسه اتمنه من الله يموتني.
وما فد يوم فكرت احب من بعدهه
ولا احط عليني عله وحده غيره
بس..... حالياً والي دا احس راح يرجعلي كلبي
ويرجعلي الحياة هوه شخص بهذه المنتدى
واعتقد يعرف نفسه زين
وهاي القصيده الهه
طبعا بقلمي..
تره مو بس انته كلبك مليان الم واحزان .. اني اكثر منك تحمل كلبي
الله جمعنا سوه بهالمكان .. وصرتي انتي روحي ونور عيني
حبيتج كلمه مااكوله لغير انسان .. واريدج اصيرين قسمتي وشمعتي
عيني عاشت عله الدمع ادمان.. وبدفو ايدج مسحتي دمعتي ..

واخر كلمه .....
اني ما عندي غيركم بهاي الدنيه
يا احله منتدى شفته بحياتي
وااعز اخوان وخوات بالكون

واحب اهدي ورده الى حبيب قلبي زيودي
اعز صديق واعز اخ
و الى حبيب كلبي عابد
والى سعودي .. سعد شيفو
والى اعز اخت ..جوجو الي مشتاقلهه هوايه وياريت تقره موضوعي
حته تعرف شكد مشتاقلهه
والى صاحبه الذوق الابداع اختي .. مريومه العراقيه
و تريله ورد ام الاربع مقطورات والاربع طوابق
الى صاحبه الاحساس والمشاعر الدافئه
الى سيده العالم الاولى
نونه البزونه

ودوختكم هوايه
والسلام عليكم ورحمه الله وبركاته

http://i338.photobucket.com/albums/n415/glbo/love/051.gif

[مريومه العراقيه]

:35:35صدك يا لويوس مدري شكول الك صراحا
يعني صدك غير اني دا اقرا ومدا اتحمل معرف شكول الك
بس احب اكول على شغله هذا الاب الي رفضك مثل مكلت لان شيعي
مع احترامي للكل انسان متخلف وميستحق ينتمي لاي دين ولا يستحق
يكولون عليه انسان كل الي اكدر اكوله الك الله كبير
وما قدر الله وما شاء فعل الصبر حلو اصب وره كل صبر مفتاح فرج
واحنا كلنا واني اعتبرك اخ وصديق عزيز صدكني وشكرا على الورده يا احلى ورده
اسفه طولت عليك واسفه اذا ازعجتك ورده مدري شكول الك
تحيااااااااااااااااااااااااااااااتي:35:35

[مريومه العراقيه]

وهسه نبدي انرشح من جديد
1
2
3
رشحوو

[•كہاتہم الاـح°زانہ•]

محمد الكتلوني

[مريومه العراقيه]

واني هم اضم صوتي الى كول وارشح محمد الكتلوني 45:

[دلع المنصور]

هم محمد الكتلوني

[Mr@p]

لا لحد يرسحني ما اريد صدك ما اريد
ok

[عمار كوسوفي]

تسلمين ورده ع المشاركه الحلوو تحياتي لكي

[مريومه العراقيه]

محمد الكتلوني رفض يكون مرشح
وهسه بامكانكم الترشيح لغير عضو
تحياتي

[StaY WitH Me]

ارشح روحي هع هع هع

[عطر المودة]

موضوع حلو مشكورة عليه

[مريومه العراقيه]

اني هم ارشح ايوشه اورده

[عطر المودة]

45:اني هم ارشح عيوشه45:

[StaY WitH Me]

هع صوتين الي هع

[•كہاتہم الاـح°زانہ•]

تم التصويت لـ ايوشا هع
تحياتي

[مريومه العراقيه]

اذا الاصوات كلها ايوشه
ايوشه الها المايك لمدة يومين
وهسه ايوشه المايك بيدج احجي وفضفضي شكد متريدين
بعد يومين ينسحب المايك منج اوكي يله ابدي
1
2
3
انطلقي حياتووو

[StaY WitH Me]

السلام عليكم

شلونكم

اول شي اني اشكر الكل لانه شجعوني

و بالاخص ميتل هيرو لان دائما يشجعني حته اشتغل اكثر

هسه احجيلكم عن حياتي

اني انولدت باالعراق ابغداد

بس ابويه مصلاوي و امي بغداديه

يعني مصلاويه

كبرت دخلت مدرسة الحمد لله

اجتي الحرب الله ياخذها يا رب

اول مبدت الحرب ورا شهرين من الحرب

جنت بالمدرسه رجعت للبيت لكيت الامه مكلوبه بالبيت

كلت لماما شكو كلتلي لا ماكو شي بس ابوج راح للبصرة على غفله

كتلها زين ليش دتبجين كلتلي لانه رح نشتاقله كتلها لتخافين يرجع

اليوم الثاني رحنه لبيت خالتي الي بابا جان بيه بايت

لكيته كله طلقات و البيبان مفجرة و اكو دم على الكع

المهم ما اطولها عليكم

ورا كم يوم جنت ببيت جدي اهل ابويه

فسمعت من بيبيتي انه ابويه اخذوه الامريكان الله لا يطيهم العافيه

و اخذوه مصوب بأيده

فتخيلو اللحظه الي اني جنت بيها ...!

عبالي جان بالبصرة هوه ماخذيه الامريكان

فمر الوقت و طبعا اهلي مبقو مكان مدورو بيه

حته عمي سووله واسطه طب للسجناء و بالاخير ماكو فائدة

و لحد الان ما اعرف عنه شي بس احنه نكول ميت

لانه من 2003 منعرف عنه اي خبر

و شغله ثانيه اجانه واحد للبيت ابغداد يكول اني اعرفه

و هوه دزني عليكم و هوه جان جذاب

و بيوم من الايام راد يبوك امي

تخيلو الحقارة ليوين واصله

و تعرفون اني ابويه بحياتي كلها شايفته سنه وحدة بس

لانه هو جان عايش بالاردن

و هاي طبعا اخويه الصغير ابداً مشايف ابويه بس بالصور

لانه جانت امي حامل بيه لمن اخذو ابويه

المهم هسه انه امي هيه صارتلي ام و اب و اخت و اخ بس شسوي هاي هي الحياه

و اني عشت سنتين بالاردن و بعدني اربع اشهر بأستراليا




___ و هاي فد شي على العراق ___

أريد أكتب رساله وأنثر حروف

وأذكر شعب عاش وقاتله الخوف

الطفل يرضع دموع ومقمط بالهموم

وكبر بأرض العراق وضيع الشوف

مايندل طريقه ..منين..ماويـــــــن؟؟

ويغم بقصته ويصفق بالجفوف..

أبوه بأول شبابه وعاشر الجيش

وتاليته ابساطه بعلم ملفوف..

وأمه من الصبح تفتر بالأسواق

وتلقاها العصر ((بالكاظم))اتطوف

وكبرالطفل وظل ايتعثر بالسفارات

عراقي وبالدول حتى اسمه "ممنوع"

كبر مع الحزن ومادنق الراس..

ويشد بطنه على ظهره بساعة الجوع

ويجاوبك لوسألته شلون الاحوال؟؟

بكلمة الحمدلله عشت وبراس مرفوع.

رصيدك بالبنوك يالخليجي أشكال والوان..

ورصيدي آنه ولك بس خمسه من الحروف

"عـ_ر_ا_ق_ي"وماأنذل من جور الايام

وأموتن "كالشجر"مااطيحن أموت أوقوف..

[StaY WitH Me]

ضايجة و طاكه روحي
و راسي حينفجر
و اريد ارجع لاي بلد عربي هففففففف

[StaY WitH Me]

لكم وكككككككككعت رح ابجي رجلي انجرحت 7 سم هع
بس مو عميق بس كلللللللللش تحرك