¸,.-~*مــآيــك المنـتـدى *•~-صوتو ويانه...

[مريومه العراقيه]

¸,.-~*مــآيــك المنـتـدى*•~-.¸¸



للكل منا


آفرحنا .. وآحزآنا .. همومنآ .. و مشآكلنا .... وآوجعآنا


آحبآبنا .. وآصحآبنا .. وآخوآنا ... وآصدقآنا



لكــل عضو .. صوت .. لابد أن يـُـــسمع
..


ونحــن كأخوة .. هنا .. منتديات( عراق الكل )
من واجبنا .. أن نستمع لبعضنا
* ومن هذا المنطلــق *
برزت فكـرة " مايــك المنتدى "..
لذا .. سيحـق .. في كل يــومين ... لعضو واحـد فقط
أن يتملك المايك .. ويفصح من خلاله .. عما يريد قوله ..!


قواعــــد المايك ..



لك أن تقول ما يحلو لك .. قصدي للعضـــو * صاحب المايك* :
( مقال .. خاطرة .. قصيدة .. تعرف بذاتك ، صور خاصة ) ..
ولك أن تجمعهم كلـــهم ..
فشعارنا هنا .. ((مــن قــدك المايك بيدك))


عـــدم مقاطعة العضـــو بالردود "
يعني .. ممنوع أي أحــد يرد .. على الموضوع .. قبل مايقول
العضو اللي معه المايك للأعضــــــاء.. (( انتهيت))
ومن بعدة الكل يقول رايه
وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..
لأنه مدة استلامه للمايك يومين فقط ...كما ذكرت سابقا .... واي احد يقوم بالرد قبل ان يقول
العضو الي وياه المايك انتهيت يحذف رده


علمــــــــــا
الأسئلـــــــــــــة
.. ممنووووووعة منعا باتا ..


واي سؤال سيحذف ..


.. لأنها فكرة مستهلكة .. بالإضافة ..إلى أنها ترهق ..


العضو نفسه .. وذلك بوجوب الإجابه عليها ..


وربما سببت احراجات أيضاً ..!


إلى ان نختار العضو .. صاحب مايك المنتدى ..


ليس هذا فقط بل علي الأعضاء والمشرفين والادارين


إبداء .. رأيك .. بالعضو نفسه... !


" وشنو مكانة هالعضو .. بالنسبة للمنتدى .. ولك .. وإذا بخاطرك شي


عليه كوله .. وإذا بقلبك شي له .. بعد كوله " وهكذا


أو بإبداء رأيك بما طرحه .. عبـر المايك نفسه ..!


أتمني تكون الفكرة وصلت
ملاحظه هامه
ســوف تختارون كل يومين عضوو او مشرف او مراقب او اداري
....


بعد اختيار العضو او امشرف او الاداري سيقو بالرد بالقبول او الرفض واذا لم يرد بالقبول او الرفض
سوف نقوم بترشيح غيره
الفكره منقوله ولكن حبيت اتكون مختلفه فغيرت بيها
علمود تكون خاصه بعراق الكل فقط
وهسه وقبل أي شي أريد آخــد رأي الجميع بالفكرة والمن ترشحون
مع حبي وخالص تقديري لكم مريومه العراقيه

[Metal_Hero]

حلوة الفكره عجبتي !! الراي الصريح حلو
بس وين يلكه الاذن اللي تسمعه
بس يمنا !! بمنتدانا
بس بكروب سوريا
واني ارشح اول شي fbi
تعال وينك تعال

تعال سولفنا همومك
:35

(((( شكرا وردة افكارج تخبل))))

[مريومه العراقيه]

تدلل عيوني انت ورده وفعلا بس بكروب سوريا
واني هم ارشح fbi
وهسه الي رح يكون ماسك المايك هو fbi

[مريومه العراقيه]

وهسه بما انو fbi اعتذر عن المايك
بسبب انو عنده شغل فهسه رح انرشح غيره
واني رح ارشح metal hero وهسه انتو رشحو
وينكم اشو ماكو احد

[Bl@ck_E@gle]

مشكوووووورة مريومة عالفكرة الحلوة اللي تساعد على زيادة التواصل بين الاعضاء و تقوي روح الصداقة و الاخوة
و اني هم ارشح metal hero

[مريومه العراقيه]

شكرا على مرورك ورده منوررررررررر

[لوله ملكة المنتدى]

شكررا حبي عالفكرة الحلوة
واني هم ارشح metal hero

[SweeTGirL]

شكـــــــــــــــــــــراً عالفكرة الحلوة

[دلع المنصور]

اني هم وياكم ارشح متل هيرو
شكرا الج مريومة على الموضوع الحلو
عاشت ايدج

[مريومه العراقيه]

تدللون حبايب وشكرا على مروركم الرائع
وهسه الي رح يكون المايك اله هو متل هيرو

[Metal_Hero]

شكرا عالمياك شباب وبنات
بس الظاهر شكر شغله جديدة تعالوا نجربها براس ميتال هيرووو
يله ميخالف

احب اول شي ابتدي بالصلاة والسلام على خاتم الانبياء والمرسلين محمد عليه الف الصلاة والسلام

واحب اشكر صاحبه الموضوع عالفكره الحلوة
والشباب والبنات اللي رشحوني
طبعا اني حاليا كلش متاذي من وضع العراق
وكلش دا اشوف مناطق حيل متغيره
اني صارلي 3 سنوات بسوريا ورجعت قبل شهرين
فحيل انصدمت
وحيل المني وضع بغداد الحالي
واللي كلش مقهور عليه
هو نادي الصيد
جنت اروحله من جنت صغير
جان كلش حلو هسه صاير لكل من هب ودب
وحتى اكو مناطق مثل المنصور
شبه انتهت
شارع 14 رمضان جان هوسه !!
هسه صاير بس خراب
والساعه يخاف الواحد يطبله
كلش اذاني هذا الشي
وما ادري شسوي
بس اعرف انو رحله المليون ميل تبدا بخطوة
واعرف اذا اني وخرت حجارة من الشارع غيري رح يسوي مثلي
وبس ادعولة للبلد وانشاء الله ربنا يستجيب
........
صدك زيد ليش اعتذر!!
شعجب !!
شنو السالفة يتهرب الولد اني اعلمه
مره ثانيه جيبوا زيد
واني اعرف شلون الزمه مايك
طبعا هنا يفلت
بس لو كايله تعال الزم مايك بالجات
جان السالفه صارت غير شكل
اني الك بسيطة
.......

وانشاء الله البقيه في العدد القادم باجر

وتحياتي


:35

[Metal_Hero]

السلام عليكم شباب وبنات

بما انو المايك هم الي اليوم
حبيت اوجه شكم كلمه لوحدة تعرف روحها زين
بس للاسف ممشتركه بالمنتدى !!

المهم يجي يوم وتسمع


اقتبس كلام نزار قباني باحلى قصائدة واقربهن الى احساسي
تمتعوا بالقراءة



تحيـة حــب واجــلال يملئـهـا الـخـوف والخفـقـان
مرهونة بسيوف القهر والاحساس التي تتربع فوق تلك الاجفان
اليـك سيدتـي اخطهـا خطـا وارويهـا لكـل العاشقـيـن
احبـك مهمـا تمزقـت شفاهـي لــو انتـحـر اليقـيـن
فأذكـريـنـي عـنـدمــا امــــوت او فأنـسـيـنـي
مـعـذور انـــا لا دواء مـــن حـبــك يشفـيـنـي
ولـــو ابـتـعـدت وطـالــت بيـنـنـا المـسـافـات
ستبـقـى عـالـقـة بقـلـبـي جـــذور الـذكـريـات
وســأبــقـــى ارددهـــــــا احـــبــــك
مـهـمـا ابـتـعـدت عـنــي و قـســا قـلـبــك
احــــــــــــــبـــــــــــــــك
احبـك يـا وجـع نـام فـي كبـدي نومـة اهـل الكهـف
وكلما ابتعدت زاد الحب وماتت اعضائي الى ان ملئني الرجـف
لو كنت في بلاد لم توجد اتيتك اليهـا علـى يـدي الممزقـة
ولــم احـسـب حـسـاب الـقـطـاع او الـلـصـوص
سأكـتـب لــك قصـائـد حــب بأجـمـل النـصـوص
كـــــي تـعـلـمــي انــــــي احـــبـــك
مـهـمـا ابـتـعـدت عـنــي او قـســا قـلـبــك
احــــــــــــــبـــــــــــــــك
احـبــك يـــا عـيــدي الصـغـيـر والـكـبـيـر
احبـك يـا ليلـة اجمـل مـن كـل لـيـال رأس السـنـة
احبـك يــا خاتـمـة الاحــزان ويــا مــن بـدأهـا
احـبــك يـــا كـــل الالــــوان وأســودهــا
فـــــل تـعـلـمــي انــــــي احـــبـــك
ولـيـبـقـى عــلـــى ذكـــــراي قـلــبــك
فـأنــا المـجـنـون الـتــاءه بـيــن افــكــاري
اخـــــــط وارســـــــم اســـــــراري
الــــــى ان شــطــبـــت اخـــبــــاري
ومـــــــت ومـــاتــــت اقــــلامــــي
وهــــي تــصـــرخ وتــقـــول احــبـــك




***************


اما انت صدك مبدع نزار قباني
الك كل احترام وتحيه
امنيتي فد يوم اوصل مقامك


حبايبي شكرا على المايك قضيت وقت كلش ممتع وياكم
وانشاء الله الترشيح الثاني تكون معنوياتي شويه احسن
واسولفلكم سوالف اتضحك


مع كل حب واحترام وتقدير الى كل اعضاء وادارة منتديات كروب سوريا
:23
احبكم كلكم شلع

51:
وبهذا اختم توغيفتي عليكم واكللكم
انتهيت ...
:35
والمايك للمحظوظ اللي وراية
:36
45:((( تحية خاصه لاحلى مشرفة مريومة العراقية)))45:







52:

[مريومه العراقيه]

42:42:تسلم ياورده تعبناك ويانه واذا شي الي كلته عن العراق
يارب يرجع مثل اول واحسن لان ماعدنه غير هذا البلد
الي شاركنا بافراحنا واحزانه واني اتمنى انو هذي الانسانه
تسمع الي كلتلهيا من كل قلبي يارب وشكرا على التحيه
اما انت بالنسبه الي اخويه وتاج راسي وكلج احترمك واعزك
واريد اكولك المنتدى كله يحبك من فوك ليجوه واني اولهم
انت انسان رائع مشفت بصدقك ولا بطيبتك ولا باخلاصك
واني اتمنى الك من كل قلبي انو تعيش سعيد ومرتاح ويه....
يارب وشكرا على التحيه ياورده مره ثانيه 42:42:

[مريومه العراقيه]

وهسه كولوا رئيكم بالورده متل هيرو
ومن بعد رئيكم رشحو شخص ثاني يلزم
المايك لمدة يومين تحياتي للجميع

[SweeTGirL]

ماادري شكَول...!!!!!!
وعلى العراق(ياربي يرجع مثل مجان واحسن هم )
..............................
أني أرشح نونة البزونة

[نونه البزونه]

مشكوررره حبي
فكررررررره روعه

[نونه البزونه]

مشكوره حبي مريومه على الفكره الحلوه
وانشالله الي كاله متل
يوصل للانسانه الي خصها بهذا الشعر
وانشالله العرااااااق يتحسن ويصير احسن واحسن
تقبلي مروري وتحياتي

[مريومه العراقيه]

ان شاء الله يارب وشكرا على مرورج نونه
منوره حياتي واني هم ارشح نونه البزونه

[@!@ابن طبرة@!@]

شكرا على الموضوع الرائع والمميز لاتضوج حوبي عابد ان شاء الله يتحسن الوضع بلعراق ونرجع كلتنهه واني ارشح نونه البزونه وراها اني هعهعهعهع
42:تحياتي42:

[دلع المنصور]

ءشكرا على الموضوع الحلو
وان شاء الله برجع العراق مثل وقبل واحسن يارب
وكل مناطق بغداد ترجع تزهي مثل قبل واحسن يار ب
والكل يرجع
وانيـ ارشح نونة البزونة وياكم

[مريومه العراقيه]

وهسه بما انو الكل اتفق على ترشيح نونه البزونه
فالي حيكون ماسك المايك نونه البزونه
يله نونه حياتي احجي فضفضي
وهسه تمنع الردود من قبل اي شخص
فقط الي ماسك المايك يحجي واي رد اشوفه احذفه
تحياتي للجميع

[نونه البزونه]

:sg (1):راح اسولفلكم عن نفسي
حاليا حالتي النفسيه تحت الصفر ضااااايجه وماله وزهكانه
اني جنت اداوم جامعه بسوريا
وهسه رجعت لبغداد
صرت صف ثاني ادارة اعمال
وسمعت انو الحكومه مصصدره قرار ال راجع من الخارج يقبلوه بنفس مرحلته وبجامعه حكوميه
فكلش جنت فرحانه ومتأمله
ومشيت بل شغله لح مخلصت اخر شي جان يكلولي انتي معلج اقل من 80 يطلعلج محافضات
طبعا هاي الصدمه الاولى
فكلت خل اروح اشوف جامعه دجله الاهليه
سالت كالوا نقبلج صف ثاني بس نحملج 4 مواد
المهم قبلت وره سبوع رحت اخذ استماره
وماشاء الله الطريق جان مسددود
وضليت ساعتين حتى وصلت
بعين بطلت منها ككلت هاي اذا يوميه ساعتين روحه ورجعه ارجع ميته
رحت لكليه المنصور
سالت كالوا نرجعج صف اول ونعفيج من 3 مواد
اول شي ضجت ومقبلت وكلت حرمات تروح عليا السنه
بعين شفت ماكو حل هيا اقرب كليه علينه كلت اوكي ميخالف
رحت اخذ استماره جان يكلولي رئيس القسم منقبلج لان انتي ادبي
يعني وين صايره بس اريد افتهم بكل دول العالم اداره اعمال يخلون بيها ادبي
بس هذا حضي السعيد
حجيت ويا العميد كال لا نقبلج
بس رئيس القسم اعترض32:
المهم هسسه اني ضاااااااااااااايجه ومادري شسوي
كلششششش طاكه روحي مااعرف وين اداوم
:35:35:35
الي رجعه حتى احجي شكو بقلبي
لان راح انفجر
تسلمون عل ترشيح حبايبي

[نونه البزونه]

احب اكول حجي بقلبي لانسان صدك حبيته
سامحني اني صدك حبيتك بس ضروفي اقوى مني وكلشي جان ضدي واني وحدي
مكدرت اتحمل بس صدكني لحد هل لحضه مناسيتك وبعدني احبك اني مبعتك بس ضروفي بعدتني عنك وانت تعرف كلش زين واتمنى متضلمني من تفكر بيه ومتكول باعتني لان اني ضحيت هوايه علموددك
بس التضحيه بل اهل صعبه كلش
اعرف هسه كرهتني بس انت بداخلك تعرف اني احبك ومتأكد
سامحني حبيبي موبديه
ياربي تشوف كل الخير بحياتك
وتجيك انسانه تسعدك اكثر مني
وصدكني مافكر احب وراك
و اهديلك هاي الاغنيه
انا سبتك وانت مني ندمانه للنهارده لوحتى غصب عني مكانش لازم ارضى
انابطمن عليك وانا من بعيد لبعيد بخاف لو رحت ليك القيك حبيت جديد
مش من حقي العتاب مناسبتك للعذاب لكن ربي الي عالم اخلاصي وحبي ليك اخلاصي وحبي ليك
اناحبعد عنك واناوياك قلبي حتحمل تعبني بعدك الله يعني
لوصدفه قابلتك صبرني ياربي ليبانلك حبي وانت قريب مني
حاولت انا اداري حبك واضحك على روحي وانساك صورتك مغابتش عني شايلك في قلبي لسا
الليل عليا طال وانا بسأل نفسي ليه بخبي حنيني ليك ولا بقر يوم عليه
يمكن جنيت عليك بس انت الله يجازيك خلتني عايشه عمري علشان بعيشوا ليك علشان بعيشوا ليك
اشكر مريومه على هاي الفكره لحلوه كل الاعضاء الي رشحوني
وانطوني فرصه اعبر عن الي باخلي
صحيح كلش كابه بس اتحملوني
اشكركم كلكم
واني انتهيت

[مريومه العراقيه]

شكرا حياتي تعبناج ويانه
اتمنى حبيبج يعذرج ويعرف انتي اتحبي وفعلا التضحيه بالاهل صعبه
وان شاء الله يجي يوم ويسمع الي كلتيلهيا
اما عن الكليه اني سئلتلج رئيس جامعة بغداد
وكال لازم تودين وثايقج للوزار بس معدلج مو قليل الا اذا السنه الي انتي
متخرجه منها معدلات عاليه جان بيها وان شاء الله تلاكين حل حياتي
والعفو حبي ماكو داعي للشكر هذا هوه احنا منتدى كروب سوريا
اهل واحد يسمع للثاني وشكرا على مشاركتج الجميله
تحياتي للجميع

[مريومه العراقيه]

وهسه تسمح الردود على نونه
ورشحو عضو ثاني يكون ماسك المايك خلال يومين
تحياتي