¸,.-~*مــآيــك المنـتـدى *•~-صوتو ويانه...

[¤-•Daddy's Gi®l•-¤]

هاي شنو الكل متفقه عليه
!!

يله شنسولف ؟؟
اممم
اني هسه عايشه بالسويد جنت عايشه ببغداد بس طلعنا منها وره السقوط ووره الاحداث لانه رادوا يخطفون ماما بس مكدروا فضربوه طلقات برجله.
الحمد لله نجت من عدهم وهسه رجعت تمشي بس كظيناه سنه صعبه كوولش وجانت امتحاناتي مل ثالث متوسط ماادري شلون خلصت بس كدرت اطلع معدل عالي وشويه فرحت ماما
ــــــ
وراه جينه للسويد
جنت كوولش مشتاقه لبابا ومن شفته كوولش فرحت وارتاحيت
بس الفرحه مكملت اختي الجبيره معجبته السويد واختارت ترجع للعراق تكمل طبيه
واخويه نفس الحاله بقه بالاردن هم يكمل طبيه
وبقيت هنا بس اني واختي الصغيرونه وبقه شملنه متفرق ولحد هسه

ــــــــــــــــــــ

يله كافي تعبت
بعدين ارجعلكم
برب

[¤-•Daddy's Gi®l•-¤]

هلــو
اسفه لانه اتأخرت عليكم
بس شويه التهيت
وهسه اكمل
,,,,,
اي هسه اني صف ثاني متوسط وجماعتي بالعراق خلصوا صف خامس اعدادي
وهذا الشي كلش مضوجني بس شنو الي يريد شي لازم يضحي بغير شي واني ضحيت ب 3 سنين واني اشوفه كلش كلش هواايه , يعني اني خلصت الثالث متوسط بالعراق وجيت هنا خلوني اول متوسط . بس شسوي مو بيدي بس الحمد لله اهلي مخففين عني شويه .
ــــــــــــــــــــــــــــــــــــــــــــــــــ ـــــــ
بعد اسبوعين واعطل واخيرا
السنه هنا متخلص :sg (1):
بس شنو عطلتي شهر ونص اهي اهي ( يا فرحه متمت)

،،،،،،
يله خلصت

اتمنى اكون ماضوجتكم وتونستوا ويااايه
ســـلامي

[مـوتـي ولا مـوـت أحسـاسـي]

ماكو اي ضوجه عيوووني
مشكووورة .

[مريومه العراقيه]

شكراا ورده واكيد تعبناج وخليناج تذكرين
بس شوفي مثل مكلتي الي يريد شي يضحي بشي
وماطول انتي راضيه على الي الله قسمه الج هذا احسن شي
اصبري والله محيضيع صبرج وحينطيج الي تريديه واهلج وياج
وكوني واثقه كل الي انتي بيه هسه الله رايده الج بيه حكمه من هالشي
ما اعرف شكول الج الله يوفقج ويحفظج ويحقق الج كل الي تتمنيه ياربي
ويحرسج من اي مكروه وينور طريقج ياربي
******
وهسه بامكانكم اترشحون غير عضوو حتى يكون المايك بيده
واني ارشح عراقية كوول

[عراقية كوول]

تسلمين حبي مريومه:23
اني اصوت لسويت

[دمعة ألم]

اني اصوت لسويت
شكرا على الموضوع مريومة
تحياتي الكم

[العميد نهاد العراقي]

اني اصوت لسويت
38:

[مريومه العراقيه]

اوووووكي اذن المايك بيد سويت
وتمنع الردود واي رد نشوفه ينمسح
تحياتي

[عراقية كوول]

وينها سويت
اشو هذا الموضوع محد معبره32:
يلا عاد

[اسد الرافدين]

وين سويت؟؟؟؟

[سََـ,,ـفِــير الـَـحُبــ,,ـ]

وين سويت فضوه عاد

[العميد نهاد العراقي]

بما انو سويت ماكو
راح نختار عضو لخ اوكي
يلا الكل تصوت احبابي
:23
و اني راح اصوت للعضوة دمعة الم

[-*-*-*(weeT GIRL$ )*-*-*-]

عفواا احبائي عذروني والله جانت عندي شغلة ومفتت للمنتدى ويلا ع غير مرة ان شاء الله
واني اصوت ل دمعة الم همينة

[عراقية كوول]

اوكي اصوت
لدمعه ألم

[عاشق الصمت]

واني هم لدمعة الم
تحياتي عاشق الصمت

[مريومه العراقيه]

اصوت لدمعة الم

[سََـ,,ـفِــير الـَـحُبــ,,ـ]

لدمعة ألم اصوت

:35...

[عراقية كوول]

اوكي المايك مع العضوة الجميله
دمعه ألم
احلى مايك
والمايك وياج خمس ايام حبيبتي
(ممنوع الردود) واذا اشوف ردود تنمسح

[دمعة ألم]

هلو شلونكم اخباركم
ان شاء الله زينين
شكرا لاختياركم الي
اني شوية وارجعلكم
برب

[دمعة ألم]

طبعا هلو مرة ثانية
مااعرف شسولفلكم بلظبط
اني دمعة الم الاسم المستعار
عايشة بلعراق حاليا وحدي
وبعد فترة قريبة ان شاء الله
حنتقل للسويد
يم اهلي لانه كلهم هناك
ماشاء الله
وطبعا مشتاقتلهم كلش كلش هواية
لانه صار هواية مشايفتهم


حياتي هسة فارغة ماعندي شي اسوي بس
نت وطلعة
وادرس لغة السويدية

يله كافي هسة
بعدين ارجعلكم

[دمعة ألم]

السلام عليكم
شلونكم
ان شاء الله الكل بخير ياربي
طبعا حجيلكم على المعانات الي داعنيه هسة
اول شي مثل مذكرتلكم اهلي كلهم بلسويد
واني هنا وحدي بلعراق يم اختي
بس هسة وصلة لمرحلة
بعد مداتحمل افراك امي وابوية
وداحنلهم كلش
ومشتاقتلهم كلش
وهذا تيأثر عليه حيل
لانه اربع وعشرين ساعة
مطايقة روحي ومعصبة
عليهم
وضايجة همين لانه راحت سنه
من دراستي وهي مرحلة السادس علمي
الي درسته نصه وتركته من ورة السفر
والظروف الي صارت
وهذا شي بلنسبة الي مو قليل
لانه سنة من تروح من عمر الواحد
وهو محقق بيه شي
صعبة كلش
ومااتمنى احد تكون ضروفه مثل ضروفي
ويصير بهيج
موقف صعب


راجعتلكم انتظروني
برب

[دمعة ألم]

وهسة رجعتلكم
هلو
طيعا النتدى عراق الكل هو احلى منتدى مو مجاملة
بس هاي الحقيقة
لانه منتدى رائع بكلشي
والي ديقدمه شي حلو كلش
واكثر منتدى ارتاحيت بيه وحسيت بيه اني مو غريبة
وكأنما اعرف الاعضاء والمشرفين كلهم
نهائيا ماحس بيه بغربة
شكرا على جهود الجميع
الي وصلوه لهل مرحلة
وان شاء الله دوم الابداع والتميز


اكيد هسة بالكم اني احب مااحب
بس اكولكم اني كنت مااحب
بس هسة يعني
كام يدك قلبي لشخص
واتمنى يكون مثل مااتمنى
واكدر اسعده ويسعدني هو هم


واني لهنا واكولكم
شكرا على الموضوع يامريومة
موضوع روعة
تحياتي الج
ان شاء الله اكون خفيفة الظل عليكم
مضوجتكم
تقبلو مروري
المتواضع
تحياتي الكم جميعاً

[عراقية كوول]

تسلمين حبيبتي اشكرج هواي
جنتي خفيفت الظل وكلماتج روعه
وبما انومريومه ماكو سوري يامريومه
هسه نصوت لعضو جميل او بالاحرا عضوة جميله
{المايك فري }

[عراقية كوول]

اصوت الى.......{
{ برنس بفداد

[دمعة ألم]

شكرا حبيبتي
واني هم اصوت لبرنس
بغداد