اذا خنت العهد ونسيتني بلحظات

**nosnos** · 2009-09-19, 10:23 PM

انا اللحظات كلها اتغني بحروفك

مستغرب احبك لو جديد اشتاگ؟

تمنعني وعلية انجرت اسيوفك؟

تنكرني ولك ميهمني اي نكران

نهر اني بمحبتك تنكر اجروفك

مو نزوة بحياتك اني يا بذات

حتى اتبيعني وتمنعني ما اشوفك

اقبل لو تصير ابروحي هم ونوح

واشيل الحمل منك واصبح اچتوفك

اذا تبچي ردت انطيك عيني افداك

لو عيني انعمت كملت معروفك

ما اقبل اعوفك گلي ليش انساك

مو حتى من انام اتلاگه بطيوفك

خايف مني واني الصرت لاجلك بيت

بعد ما عمري سافر بينت خوفك

بس كلمة اگلك وحدة حتى اتروح

وراح اچذب عليّه واقدر ظروفك

تره انت اخدعتني وچذبت علشوگ

بس دولاب دنية وباچر اتلوفك

من تطلع شمس راح اني اشوفك زين

اذا منخل تصير اتبين ازروفك

**اسد الرافدين** · 2009-09-19, 10:34 PM

حلو عاشت ايدج ورده
ابدعتي

**nosnos** · 2009-09-19, 10:40 PM

يدللو عيني منور وربي
تحياتي الك

**HamaDa** · 2009-09-19, 10:45 PM

رووعة عاشت ايدج عيوني

**nosnos** · 2009-09-19, 10:46 PM

يدللو عيني يدللو
منووووووووووور
تحياتي الك يا وردة

الموضوع: اذا خنت العهد ونسيتني بلحظات