بدون عنوان_لان هيج حلاته

**MR_CoOL** · 2009-10-12, 12:31 AM

ولك شريد احجي
مو حتى الصبر مل مني
ولك مدكلي لو اريد المن منك اشكي
مو راح اموووت وانت بعلتي تزكَي

كلت ما احبك
كلت ما اريدك
حتى ماترتاح ولا يبرد غليلك
مات ذاك الاحساس وخل ينكطع وريدك

كتلك حبيبي وحياااتي وعمري
وعشت وياك احلى اسنيني
جنا بالاول اني اموت فيك وانت تموت فيني
جنت تكلي لو تغيب الدنيا كله عادي
بس غيابج انتي يعميلي عيني
ياالله ماصدك الي حصل

جنت من ازعل بدفء صوته يراضيني
وبس احس بيه متضايق
بسرعه انسه كل شي وبس اريده يحاجيني

مشاكل كل يوم والثاني نلغيها
واجي واحجي وياه واكله رجاءا
علاقتنا هننهيا

مجان يعرف بالحب كرامه
يكلي كرامتج بالحب لازم تنسيها

وتالي اجاني بيوم متغير كل شي بي
كلامه طبعه بس من صوته ماشك بيه
واني تحملت كل شي صار
والنار مشعوله بيه
مدري التهي بحيرتي
لو اكول اشو اليوم مااجه ولا حتى سال عليه

حبيبي شلتك من كلبي
وانسه كل شي صار
حتى اني اغفه وانت هم ترتاح

انت مو نفسك الي عرفتك بالاول
انت صاير شخص ثاني
نسه حبي وحناني
انت مو نفسك الي اجاني بيوم وترجاني

لاحبيبي مستحيل ابقى بعد وياك ولو حتى بعد ثواني

كلامي وياك انتهى ولا تخليني بعد اعاني
صبرت وياك لحد ما مل مني الصبر
وانت بشنو ياعيوني جازيتني
حتى بالوفى افرح ماخليتني