اذا مااحبج انتي شلون احب الناس ؟؟

[MR_CoOL]

اذا ما احبج انتي شلون احب الناس
يا اول غرام بزغري وبكبري
واذا ما شوفج انتي شلون اشوف الناس
وانه بغير شوفج بيه قصر نظري
حبيتج سهر وايامي غابت ليل
وبس وياج اسهر يا بعد عمري
اذا مو الج اكتب ما احس بالشوك
واني لعلى مودج اكتب بشعري
جربتج هواي وشفتج اوفى الناس
يا اول حبيبه تحملت قهري
اسئليني بحياتي شكد تمر نسوان
ليش انتي الوحيده الباقيه بفكري
واسئليني بحياتي شبيها من هموم
ليش اني من اشوفج يطفى كل جمري
يا اجمل محطه البيها گلبي ارتاح
يا نهر الحنان وبالگلب يجري
تغفى عيون ياما وياما نامت ناس
وانه ويه الاشواك وملتهي بسهري
اقرب من اشوفج واحترك مرات
احس اني بعيد ويختنك صدري
ويمر طيفج هوى واحتار اشمه منين
وشكو احلى يعمري من الهوى العذري
وتسئليني احبج اي نعم والله
بس ليش اني احبج صدكي ما ادري

تحياتي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت ايدك ورده
كلمات روعه
تسلم على الموضوع
تحياتي الك

[MR_CoOL]

منور حموكي