مع اقتراب موعد الانتخابات ،،قصيدة((اني قابل ))

[MR_CoOL]

اني قابل


ليل ظلمه
وأذن بخوف المؤذن
خل نصلي العشه 6
ليش سته ؟؟


اربعه انكتبن علينه...
ثنين مالات الصبح جمع وقصر
ولا تحاسبنه يربي
صار ست سنين ظلمه وبالوطن ماكو فجر


صار ست سنين ظلمه والوطن ينزف مصاب
والسياسي يريد مني وكفه يوم الانتخاب
والقوائم عدنه كثره وانت حر بالانتساب
قائمة ذبح العراق البيهه انواع العذاب
وقائمة نصرة المرأه .... حته عدهه تصير جرأه....في امور الاغتصاب
وقائمة ضد البطاله ...تعين الشاب بمقرات العماله... حته متعاني الشباب
وقائمة اجمل حياة
التنطي اراضي
بس .......يجف نهر الفرات وبالعطش نشرب سراب
قائمة ذبح الشباب
وقائمة ماء السراب
وقائمة الاغتصاب
وقائمة اجمل عذاب
وقائمة ولد الكلاب
قائمة ولد الكلاب .... البنت يمنه 3 مدارس
باقصى سرعه
وجه القائد يفتتحهه ويه ربعه
وراحوا اطفال المحله
يريد يتعلمون تاريخ المسله
بس طلع يا للمذله
المدارس منبنت لجل الدراسه
انبنت تا يلزك القائد عليهه
صور ترشيحه على كرسي الرئاسه

وكلت قابل
واني قابل
انطي صوتي بلا مقابل

واني قابل
لو تهد بيتي القنابل

واني قابل
ينهدم عش البلابل

واني قابل
اكعد بنص المزابل

واني قابل
اخذ آشور اويه بابل


لجن خايف لا أجي لبغداد والكه .........
لا اجي والكاهه حامل

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[HamaDa]

قصدية حلوة هع
مشكور ياورد
عاشت ايدك
تحياتي الك

[ميما الحلوه]

ثاااانكس ورده
تحياااتي

[دمعة ألم]

صح السانك روووووووووووووعة
تحياتي لك يامبدع
لا تحرمنا من جديدك المميز والرائع
تقبل مروري البسيط

[MR_CoOL]

تدللون عيوني
منوووووووووووووووووووورين

[Miss Alrassam]

عاشت ايدك وردة
دومك مبدع
تحياتي الك

[MR_CoOL]

تدللون عيوني
منوووووووووووووووووووورين