عطشني بحلاتك ارد اموت عليك

[عراقية كوول]

عطشني بحلاتك ارد اموت عليك ،،
واسكَـيني ابمرارك احتي واسكر .
يل تارس شليلك بالورد اشكال ،،
وبخدك ورد كل شوفه يتغـير .
أدوخ أمفـصلات اشفايفـك تـفـصال ،،
من تغـضب شكل وبشكل من تغـتر .
يل المعـتـق عيونك بالخمر بهداي ،،
بس ادير عينك عل الخلكَـ تسكر .
اشوفنك امكَـبع ما افرزن هاي ،،
عباية المتك لو شعـرك اطشر .
مدري اشلون تمشي ،، واتمشي مدري اشلون ،،
كَـوه امركدات الخصر والموكر .
ماتكفيك اديه من حضن الجتفين ،،
بس خصرك الزمه باصبعـين اكَـدر .
لو اعرف زفيرك جاب عطره منين ،،
تسمح لليحب بالزفر يتعـطر .
انا بكل قواي وبس تحرك اشفاك ،،
احس اتموع روحي ابسدك واخدر .
طشها الواهلية من الضحـك عل الرووس ،،
لاجلك لونطش اكَـلوب مانخسر.
دخيلك لا تغـرد لا تبجي الناي ،،
يل صوتك أوذان وللحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر
اخافـن من ابوسك يصعـد السكر

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

تسلمين ورده
كلمات جميله
دومج مبدعه
تقبلي مروري البسيط
تحياتي الج ورده

[عراقية كوول]

نورت حمكي
شكرا لتواجدك وكلماتك العذبهـ
لكَ كل الود

[ابو الجكاير]

تسلمين ياوردة على الكلمات الرائعة وذووووووووق
تقبلي مروري

[عراقية كوول]

منور ورده ابو الجكاير
شكرا لمرورك العطر
كل الود