زرعتك وسط روحي وصرت عنواني

[عراقية كوول]

خليني بعذابي وليلي كله ادموع


بس ﮔلي الجنيته اوياك وشجاني





مو دمعك كتلني بصورتك ﭽتال

اعدمني اعله ايدك بعد شمتاني





صفيت اطبج ونيني الاه وي الاه


ولا انته الـﮕلت بالتالي ينساني





ولا فكرة يوم ايصير هچي اوياي


وكلامك من قريته اسموم واسـﮕاني






غطيت بحزن من الجدم للراس


والتمت عليه وزادت احزاني





وضحلي السبب مرات اعيد اعليك


والهسه الجواب الردته ما جاني





بس ﮔلي بمرامك ليش تـﮕصي اوياي


تحصدني خضر من ﮔبل ميحاني





اظل صابر واﮔلك حيل دوس اچلاي


ومنك ما امل لوعاني .....ما عاني





افرشلك ﮔلب وانته اشهر السچين


ﮔطع بي بكيفك ما أصيح آني





راويني المنايه وشمت العذال


وجيب امواستك ﮔطع بشرياني





اذا بسك صحت لتـﮕول چان اهواي


خل يسمع القاصي ويسمع الداني






ولو نفرض مشيت وما سمعت انداي


اظل دوم اعله دربك ناطر...امتاني






بس هذا الخيار ابعيد اريده ابعيد


ولاريده يمر لو ضيف بلساني





واتامل سماحك ياحلو البسمات


وغيرك لا اريد ولا احب ثاني





ظنيتك حياتي وانته عني.... ابعيد


وزرعتك وسط روحي وصرت عنواني





بس احسب احسابك خاف من الله


طيرآنه صفيت وانته ....سجاني





صحيح انته اليعجبك تـﮔدر اتسويه


ولا مجبور اذا قررت... تنساني





بس ابقه بهواك احزان فوﮒ احزان


وغناي ايصير نوح وحزن الحاني





شصاي ؟ لوخذت بحچاية الواشين


تـﮕلي ابعد بعد لاتدﮒ ..... بيباني



ليني اوياك ظنيته ضعف ياحيف


ما تعرف اطباعي وشنهي وجداني


مرتاح الضمير اصبحت هسه اوياك


طلع منك الصوچ وچني ما باني



للشاعر




نعمه السيلاوي
:35

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

روعه ورده
تسلمين على الجهود الحلوه
دومج مبدعه
تقبلي مروري البسيط
تحياتي الج يامبدعة

[عراقية كوول]

مروركـ الاروع
وكلماتك الاجمل
شكرا لتواجدك
بين احرفي
دمت بود

[CoOoL G!rL]

عااااااااشت ايدج وردة
عالكلمات الحلوة
تسلمين
تحياتي الج

[عراقية كوول]

نورتي بمرورج العطر ورده
شكرا لكلماتك الجميله
كل الود لكِ

[ابو الجكاير]

الكلمات اتخنبل والله اتخبل روووووووووعة
اتمنالج التوفيق تحياتي
تقبلي مروري المتواضع

[عراقية كوول]

منووور ورده ابو الجكاير
شكرا لتواجدك العطر
كل الود

[ابو الجكاير]

لا عيناي انتي تستاهلين اكثر من هاي انتي كولج ذوووووووووووووووووووق

[عراقية كوول]

تسلم اخويه انتوا الذوق
ونتعلمه منكم
كل التحايا الك