حسن الطائي ( لــو زرعــو شوكَـ بطيبتنـه )

**عراقيه حلوه** · 2010-07-24, 12:24 AM

لــو زرعـو شوك بطيبــتنه

ممكــن يتحــول لــورود ؟

مو عيب احنه نصير اضباع

وتاكل بينه جيوش الدود

وين الفزعه ! ووين الخوة

من صارت بينه الفرهود

كلمن ركض يبوك ببلده

وتـلاشو كلهم الاجنود

ارد اسألكم ياهل الغيره

منهو وياهو الي موجود

ليش انعوف الكاع تضيع

ويحرسوهة احفاد ايهود؟

سكت اهواية وكاظم غيضي

جن فرس الساني ومشدود

ترى هيـبه الموت بدولتنه!

من تموت بكرم وجود ..

موتت خاين ماتنراد؟

شجاب الضبع لأرض الاسود

والله لو كبرت بعد اكثر

وضربوني بطلقة وبارود!

اللـه يادمي الـ ع الكاع ..

وغطـة ترابي البي مولود

ليش الطيب كبل يموت؟

وليش العار يرد ويعود

ليـش تفجر ناس بلادي

وينطوهـم قمبـلة الاحدود؟

هذا انضربت بنته شضية

وذاك ابنه احترك المكرود

المن الزم بيكم كلي

عددكم طاغي ومامعدود

الي اتهجر والي استشهد

والي كاعد بأهله يحود

ماشوفن بس باب الطاغي

باب الحق ذاك ومزدود

اكتل هذا لأنه شيعي

واكتل سني واضربه ردود

وهذا مسيحي وخل نهجره

خل نفلش هالعنـكود ؟؟

ليش اهلك ذولة يا اغبر؟

لو طحت يصيرون سنود

ليـش تشيل سلاح بايدك

والكاتلهـم ضعف العـود !!

باجر ييجي الدور عليــك

وتلكـاهم يـم الله شهـود

ربـك ياخذ حق عـباده

ولكـل ظـآلم عنده حـدود

رسـالة لكل دولة اشمتت بينه

لكلمـن يفجر وكّلبــه حقود

لا تتوقـع نحنـي الرآس ..

بآجر كلنه نصير جنود