ما تستاهل ابجيلك حرامات

[عراقيه حلوه]

ما تستاهل ابجيلك حرامات
ولاتاخذ بعد من عيني دمعة
جنت ازرع ورد بس هسة مجبور
حتة الباقيلي منهن راح اشلعة
ايس مابقتلك يمي اسرار
وحتة اليدك باب الروح ادفعة
بقة عندي الشمع بس موتة الليل
وانة متاني الصبح يطلع وشيعة
عرفتك ثوب بس ماتستر العيب
المايرهم علي مجبور انزعة
جنت اخجل وعبرلك حجي هواي
واعرف بي جذب بس كلت اسمعة
هسة ادكطعت وياك الكلوب
وبقة درب الخجل بلساني اكطعة
كرهتك بكثر ماودعت الشموع
شمعة بعيني تحلة وتطفى شمعة
جنت كبر الجرح شايل معاناة
وصدك من جان الكلب ينعة ينعة
جن داخل حسن لوطلع الاااه
وتطلع روحي الك وتردهة فزعة
حسبتك رقم من لمعت البيك
وين اري الصفر هم ينطي لمعة
او وين ادري الغصن بي يركض الموت
وعلى عش المحنة ايودي نفعة
باجر راح اهدم بيت الدموع
وابني من الفرح بعيوني قلعة
وباجر راح اجفن كل الدروب
ونعش الذكريات براسي اشيعة
وتذبل شفتك وترد الي زحوف
وبجفي الهر وبكيفي اكطعة
وكلك كلشي مات اللهفة والشوك
محال اليندفن تكدر ترجعة
وسودة اصير كله ايامك البيض
ويعض خاطرك ويندل اصبعة
مثل ماجرعتني بكاسك الموت
كاس الذل شرط باجر تجرعة

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش حلوة
تسلمين وردة
عاشت ايدج
تحياتي

[عراقيه حلوه]

منوره حبي كول

[دمعة ألم]

ويلي شعر رائع جدا
دمتي بهذا الابداع
ودي

[عراقيه حلوه]

منوره دموعه

[عمار الشاعري]

روعه كلش حلوه القصيده
عاشت الايادي
دوم الابداع
تحياتي

[HamaDa]

عاشت ايدج ياوردة
عالكلام الجميل
دومج مبدعه
تحياتي الج

[ورد البنفسج]

تسلمين ورده
كلمات بغاية الروعه
دومج مبدعه
ودي

[عراقيه حلوه]

منورين
..............

[sυρєянυмαη]

عاشت الايادي
تحياتي