معذور الغزل ماكدر يكتب بيت

[بنفسج]

معذور الغزل ماكدر يكتب بيت

معذور الغزل ماكدر يكتب بيت
من شافه انصدم واتأذه بالصدمة

حتى الابجدية انتفضت بكلمات
وسوت انقلاب الكلمة ع البسمة

ويا كلمة التشوفه تضم نفسهه بساع
تخجل من جماله وتنتهي الكلمة

ضاعت كل اساليب الحروف وياه
لان شايل حسن محد تره يفهمه

اذا يزعل علي اختنك من الاه
ويركض كلبي رأسا يركض يضمه

واذا يضحك يبوك همومي مني بساع
ويتحول ورد كل ساعه اشتمه

واذا يبرد اوج ضلوعي كلهه بنار
وادزهن ويه كلبي وتحترك يمه

يا شعره السرح من ينتشر جن جيش
يكتل ابرياء وكلشي ميهمه

مشكلته اعتقد مو بالعمد يغتال
بس من كد جماله انثبتت التهمه

يا بحر النظر مو عين عنده تكول
تجدح بالسحر وتلون الظلمة

وبخدوده الشمس تشرق واظن تغيب
وبالكوه يتنفس من صغر خشمه

اسكر من ابوسه شفافه خمرة تين
وانام وانتظر يحلم ... واجي بحلمه..

قارورة عطر جسمه ويفيض عطور
وجسمه من العطر ظل دايخ بجسمه

كسر حتى الجمال ودخل بالتاريخ
وموسوعة غينيس خطت ذهب اسمه

لأن هو الوحيد اليحجي وي الاحساس
ولأن هو الوحيد اليشبه النسمة

ولأن هو الوحيد العنده هالة نور
ولأن وحده العليه كلوب مزدحمة

ولأن هو الحسن والرقه والاخلاق
ولأن اجمل صفات بطبعه ملتمه

اذن زايد ماله وزاد فوك الناس
ومحد يوصله وماواحد يلزمه

اريد انه انتحر وبجسمه اموت اليوم
وماناقصني بس يبريني الذمة

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[وـرـرده فـرنـسـيـه]

يسلمو وردة
عاشت ايدج

[دمعة ألم]

غزل رائع جدا
دوم الأبداع وردة
لاتحرمنا من جديدك المميز
ودي

[اسير الروح]

حلووووو
عاشت ايدج ورده
تحياتي

[جلنار]

عاشت ايدج ورده
دوم الابداع
تحياتي

[Taha Alaa]

تسلمين وردة عاشت ايدج

[بنفسج]

يسلموا شباب
ع المرور
هذا من ذوقكم

[soft moon]

روووووووعه
عاشت ايدج
تجنن
احلى قصيده
تسلمين حبي
دومج مبدعه ومميزه
ننتضر القادم
تقبلي مروري البسيط
ودي