سجل.دخولك.ببيت.شعر.ابوذيةاو.دارمي

[nosnos]

جبل حبك ولا يخفه ورتل

والك ايات اقرالك ورتل

ومع كل هذا تل كلبي ورتل

شرايين الكلب حطهن بديه

[nosnos]

رضاك انته حبيبي مرضانه

لجن بعدك علينه مرضانه

نسيت شلون حبك مرضانه

وكضينه العمر حسرات واذيه

[nosnos]

ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه

[nosnos]

فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...

[nosnos]

حــــــــــبيبي ارجوك موكتلك موتانـــــــــي
ـكـــــــــتاب اجفاك متيمك مو تانـــــــــي
تـــــــــرى كلبي بغيابك مو ت انـــــــــتي
يــــــــــــنشد عليك كل صبح ومـــــــــتسية

[nosnos]

عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه

[sυρєянυмαη]

حبايب والزمن ضيع اثرهم
ولكن بلكَلب باقي اثرهم
عيوني تباوع لمحه اثرهم
واعيشن بل الحزن صبح ومسية

[nosnos]

جبل والريح شامخ ماهوينة
وبعد شخصك يغالي ماهوينة
الجفن والعين تسأل ماهو وينة
هواك شكد صعب أثر علينة

[nosnos]

نشدت الناس عنك وانت ماكو
علي الهم يصاحب مثلة ماكو
اريد اسمع علومك شكو ماكو
وانا الممنون اذا تسأل عليه

[nosnos]

كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه

[sυρєянυмαη]

سوة طبعك حبك ماهيمنة
ومعاك الروح راحت ماهي يمنة
ترة اليمنة التخونك ماهي يمنة
ولا اليسرة التخونك ايد الية

[nosnos]

زاد بكلبي شوكك ...............وانتقل بيه

وصعد للراس حبك ..............وانتقل بيه

شلون احب غيرك ..............وانت قلبي

وانه بكلبي احبن مو بيديه

[nosnos]

مالهج كلبي تره مانطق غيرك بسم
ومن الفجر للمحب فاتح عروكه بسم
ينطيك حلو العسل وانته التبدله بسم
وسموم هجر المحب تنكط عليه

[nosnos]

اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن عليه

[nosnos]

جروحك للشمس يا كلب شرهـــــــــــــــــن

وليالي الضيم ما ينحمل شرهــــــــــــــــــن

الك عمري رهتنه بعد شرهــــــــــــــــــــن

اذا حتى العمر ما ظل اليــــــــــــــــــــــــه

[nosnos]

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

[nosnos]

أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه

[nosnos]

شي خاسر بكرم بحبك وشي فاز
وشي نايم الحد هسه وشي فاز
اذا البلاك ماصــــــــحلي وشيفاز
اجيب منجنوها هوا يخـــلقه اليه

[nosnos]

حبل وصلك عكدته سنين منحـــــــــــل
بعون الله قوي والحيل منحــــــــــــــــــل
صرت انه الزماني اليوم منحــــــــــــــــل
العسل الهم ونه اللدغات بيـــــــــــــــــه

[nosnos]

من كثر حر الضلع أحترگن هدومي ... وتسعين ناگة وجمل ماشالن همومي

[nosnos]

صفن واجر حسرات والدمع ينساب .... والفركه مثل الموت مابين الاحباب

[nosnos]

افديك اني الروح وكل ما ملكته ... صدكني أرضه بموت بس سالم انته

[nosnos]

حيرني طيب البيك خلاني مديون اتمنى ارد الدين بس حيار شلون

[nosnos]

اتمنى اشوفك دوم ويسعدني ملكاك .... وجروحي كلها تطيب بس احجي وياك

[sυρєянυмαη]

اموت بنضرة عيونك وشعرك
واحب اسمع مواويلك وشعرك
تمنيتك قصيدة انت واشعرك
وردد بيك كل صبح ومسيه